Проекти

Проектот има за цел да придонесе кон подобрување на бизнис климата во руралните средини на Североисточниот плански регион преку унапредување на јавните услуги на локалната заедница, зајакнување на претприемачките вештини на младите жени и креирање на нови бизниси. Проектот дополнително ќе ги разгледа и можните проблеми и ограничувања со кои се соочуваат младите жени во руралните средини за да се вклучат на пазарот на труд и да остварат поголемо учество во креирање на локалните политики. Во овој контекст ќе се направи анализа и препораки со соодветни предлог мерки и истите ќе ги доставиме до локалните самоуправи во Североисточниот плански регион. Целта е преку поголемо учество на младите жени во формулирање на политиките да се придонесе кон креирање на поволна бизнис клима во руралните региони, која ќе го стимулира развојот на женското социјално претпримеништвото.

Очекувани резултати:

1) Подобрени вештини на млади жени од рурални средини за започнување на сопствен бизнис и вмрежување во областа на економија на грижа; (2) Зголемена соработка на младите жени со локалните власти и нивно поголемо учество во креирање на локалните политики; и (3) Зголемена траспарентност на активностите за поддршка на младите и развој на економија на грижа. За таа цел, ќе бидат вклучени 20 млади жени од рурални средини на Североисточниот плански регион, преку процес на три месечно менторство од страна на експерти за развој на бизниси во областа на економија на нега/грижа.