Новости

Во рамки на проектот USAID's Partnership Against Corruption Activity , а во соработка со Државна комисија за спречување на корупцијата , на 09.10.2024 година, тимот на ЦУП ги презентираше наодите од истражувањата за состојбите со (зло)употребата на дискреционите овластувања од страна на јавната администрација како и специфичните наоди за секторот јавно здравство, пред претставници од централните институции на јавниот сектор од различни области. Поточно, истражувањата се фокусираат на постапките за вработување во јавната администрација, именување на високи раководни структури, постапките за вработување во јавното здарвство како и постапките за давање на услуги во областа на јавното здравтво. 

Наодите од истражувањата укажуваат на реалниот ризик од корупција во случаи на злоупотреба на диксреционите овластувања, а препораките упатуваат на конкретни решенија преку кои може ефективно да се намали риизкот од корупција во органите на државната управа како и институциите од специфичниот сектор јавно здравство.   

Проектот се залага за зајакнување на знаењето на службениците за правилна примена на дискреционите овластувања, со цел намалување на корупцијата и гарантирање на правната сигурност на граѓаните.