Новости

Естонија е држава во која 99% од јавните услуги се даваат електронски, 44% од граѓаните гласале електронски на последните избори и во која има најмногу стартап бизниси по жител во Европа.

Во тек е работна посета на Агенцијата за информатички системи на Естонија и други релевантни институции со цел да научиме од естонските искуства во воспоставувањето на електронските системи во јавниот сектор, дигитализација на услугите и предизвиците во обезбедување на сајбер безбедност.

Посетата се одвива во рамките на проектот „Носење промени: добро управување и ефективност во јавната администрација“, поддржан од Британската амбасада во Скопје, имплементиран од Центарот за управување со промени (ЦУП) во соработка со Министерство за информатичко општество и администрација.