Новости

Извршната директорка на ЦУП Неда Малеска Сачмароска и финансиската директорка на ЦУП Весна Бочварска Цветковска учествуваат на OECD Global Forum on Building Trust and Reinforcing Democracy Agenda

Една од темите на Глобалниот форум на ОЕЦД 2024 е прашањето што треба да направат владите за да ја засилат довербата на граѓаните во јавните институции.

Акцент исто така беше ставен и на следните теми:

• Демократијата не може да биде наметната, мора да ја поседувате;

• Владите треба да демонстрираат одговорност и да испорачаат резултати за граѓаните;

• Граѓаните мора да имаат чуство дека владата и институциите им припаѓаат и работата за нив.

• Оние кои ги предводат институциите мора да демонстрираат највисоко ниво на институцијална етика и интегритет – граѓаните мора да увидат и да веруваат дека оние кои ги предводат институциите работат за граѓаните, а не за себе;

• Административните службеници и вработените во јавниот сектор го следат и пресликуваат (не)етичкото однесување на оние кои ги предводат институциите

• Граѓаните мора да ги зајакнат своите капацитети за да бидат присутни, да предлагаат, да ги обликуваат и да бидат дел од реформите

• Владите и институциите мора да ја отсликуваат структурата на општеството, а разните групи граѓани (малди, жени, припадници на разни етнички групи итн) и да бидат соодветно застапени.

Истражувањата на Центарот за управување со промени (ЦУП) континуирано ги адресираат токму овие теми, а препораките од истражувањата даваат практични и прецизни предлози за подобрување на состојбите во јавната администрација во Република Северна Макеоднија, со посебен акцент на испораката на резултати од страна на институциите како клучен фактор за стекнување на довербата кај граѓаните.

#ЦУП #CCM #OECD #ReinforcingDemocracy #ЈавнаАдминистрација #PublicAdministration #Демократија #Democracy #ГраѓанскоОпштетсво #CivilSociety #ЈавниПолитики #PublicPolicy