Новости

На 29 Март 2017 година (среда), во хотелот Александар Палас, „Центарот за управување со промени – ЦУП” одржа „Национална средба на тема: Ефикасност на државната и јавната администрација – аспект на вработувањето во државните и јавните служби” oд проектот „Следење на административната правда“, поддржан од Британска амбасада Скопје.

Целта на настанот беше презентирање на проектот „Следење на административната правда“ како и преглед на наодите од спроведената теренска анкета – перцепција за вработувањата во државната и јавната администрација.

На настанот се обрати и г. Пол Едвардс, Заменик Амбасадор на Обединетото Кралство во Република Македонија, кој што истакна дека граѓаните мора да го добијат она за што тие плаќаат.

Прегледот на наоди и податоци за обем и опсег на вработувањата во државната и јавната администрација во РМ го опфати професорот на Правниот Факултет „Јустинијан Први” во Скопје, д-р Драган Гоцевски кој што забележа дека: „порастот на кривата на надворешениот долг и порастот на кривата на вработувањата во јавната администрација се поклопуваат”, како и тоа дека „.. 83 проценти од буџетот на јавното здравство, оди само на плати”.

Прегледот на реформите во администрацијата и следните предизвици го опфати г. Методија Димовски, опфаќајки ги стратегиите за реформи во јавната администрација од 1999 година, како и последната од 2010 година.

Извршната директорка на „Центарот за управување со промени – ЦУП”, г-ѓа Неда Малеска – Сачмароска ги презентираше наодите од спроведената теренска анкета – перцепција за вработувањата во државната и јавната администрација, која забележа дека скоро 80 проценти од граѓаните не одобруваат партиски вработувања, но дека доколку немаат избор, истите би прифатиле вработување со партиска книшка.

За мнозинството граѓани (68,6%) најпривлечен сектор за работа во Р.Македонија останува јавниот сектор, додека процентот на граѓаните кои ја истакнале дека најпосакуван е приватниот сектор - економијата изнесува 22,8%.

Повеќе за проектот „Следење на административната правда“ може да прочитате овде, додека пак истражувањата се достапни подолу:
 1. Следење на административната правда  
 2. Како до административната правда?  
 3. Колкав и каков јавен сектор имаме во Република Македонија (РМ) ? 

Можете истите публикации на албански јазик да ги најдете тука:

1. Monitorim i drejtësisë administrative

2. Si të arrihet deri te drejtësia administrative?

3. Sa është i madh dhe çfarë sektori publik kemi në republikën e maqedonisë (rm)?