Новости

Денес во Јавна соба се одржа работилница посветена на процесот за изработка на Функционалната анализа на Комисијата за спречување и заштита од дискриминација. 

Целта на процесот на спроведување на функционална анализа е за да се идентификуваат предизвиците од организациски и функционален аспект во институцијата во која се спроведува и да се предложат конкретни мерки за подобрување на исполнувањето на целите и задачите на институцијата за исполнување на своите надлежности.

Оваа работилница и целокупниот процес за спроведување на функционалната анализа се изведуваат во рамки на Проектот - Борба против дискриминација преку поддршка на работата на Комисијата за спречување и заштита од дискриминација, финансирана од Владата на Велика Британија преку Британска амбасада Скопје, имплементиран од ЦУП.