Проекти
Поттикнување на добро управување и реформа на јавната администрација (втора фаза)
Проектот има за цел да го одржи доброто владеење на врвот на политичката агенда. Проектните интервенции се дизајнирани да ја анализираат моменталната состојба на работите во неколку области поврзани со отчетноста како еден од врвните приоритети во агендата на РЈА, како што се: подобрување на транспарентноста и отчетноста на јавните институции; одговорност за испорака на резултати и подобрување на надзорот на јавноста при спроведувањето на препораките од клучните институции и поголема ефикасност, ефективност и функционалност на институциите. Со оглед на тоа што одговорноста во модерната влада е клучна компонента на демократијата, продолжувањето на проектот ќе го задржи фокусот на принципите на добро владеење обезбедувајќи дека избраните функционери се одговорни за нивните постапки, особено за преземање структурни реформи и градење силна и ефикасна јавна администрација .
Период 01.07.2023 - 30.09.2025
Донатор: National Endowment for Democracy (NED)
Краен корисник на проектот: Институциите од јавниот сектор,
Вработените во јавниот сектор.
Главна цел:
1. Да се вградат практики на добро владеење во институциите за доброто на граѓаните
2. Да се ангажираат носителите на одлуки да преземат мерки за зголемување на отчетноста поради зголемен притисок од јавноста за ставање на доброто владеење на врвот на политичката агенда со вклучување на мерки за добро управување во сите стратешки политики на Владата.
Очекувани резултати:
1. Спроведување на desk истражување и анализа на актуелната правна рамка во избраната област на РЈА, идентификување на тековните тесни грла и предизвици во спроведувањето на регулативата, анализа на работата на институциите. Развивање на методологии за истражување и спроведување на длабинско истражување на одредени теми.
2. Набљудувајќи ги процесите и истражувањето на работата на институциите во специфичните области поврзани со доброто управување и реформата на јавната администрација, проектот има за цел да ја прошири интервенцијата во уште 6 области, што резултира со најмалку 6 извештаи од мониторингот.
3. Предлагајте практични препораки за подобрувања и понатамошни реформи во управувањето
4. Организирање консултации со релевантни институции за процесот на спроведување на реформите во администрацијата и нивните ефекти.
5. Организирање презентација на наодите и иницирање поширока јавна дебата за важноста на одговорноста на јавните институции
6. Промоција и дисеминација на наодите и извештаите создадени во рамките на проектот
7. Подигнување на свеста за нерешените прашања во избраните мониторирани области, со содржината и наодите во извештаите и да се залага за поголемо медиумско покривање на реформските процеси.
Публикации од проектот
Видео
Гостување на тимот на ЦУП во емисијата 25 минути
Тимот на ЦУП, Ирена Бојаџиевска (истражувачка) и Димитар Врглевски (проектен асистент), беа дел новата емисија на „25 минути“. Во нивното гостување дадоа осврт на различниа спекти на транспарентноста на институциите од јавниот сектор.
Фокус беше ставен на предизвиците во спроведувањето на политиката за отворени податоци и потребата од овозможување на бесплатен пристап до тековните изданија на Службениот весник.
ЦУП во изминатиот период го објави документот за јавни политики, насловен „Дали е можно владеењето на правото со комерцијален службен весник“. Документот ја истакнува потребата од отстранување на претплатата за пристап до тековните изданија на Службениот весник каде се објавуваат законите и останатите општи правни акти на државата, а документот може да го прочитате на следниот линк https://cup.org.mk/publication/public-policy-document-is-the-rule-of-law-possible-with-a-commercial-official-gazette .
Гостување на Анета Иванова Стојаноска проектна координаторка во ЦУП во емисија на поткастот „Reshtazi“
Анета Иванова Стојаноска, проектна координаторка во ЦУП, беше дел од новата емисија на поткастот „Reshtazi“, каде фокусот беше ставен на транспарентноста во работењето на институциите од јавниот сектор. Излагањето на проектната координаторка беше фокусирано на документот за јавни политики кој ЦУП го објави во изминатиот период, насловено „Дали е можно владеењето на правото со комерцијален службен весник“. Документот ја истакнува потребата од отстранување на претплатата за пристап до тековните изданија на Службениот весник каде се објавуваат законите и останатите општи правни акти на државата, а документот може да го прочитате на следниот линк https://cup.org.mk/publication/public-policy-document-is-the-rule-of-law-possible-with-a-commercial-official-gazette .
Димитар Врглевски од ЦУП во интервју на ТВ Слободен Печат
Димитар Врглевски од ЦУП во програма на Слободен Печат по повод истражувањата на ЦУП за дискреционите овластувања на Општините и постапките за платено политичко рекламирање во изборни процеси, начинот на нивна употреба и ризикот од корупција.
Проектата коориднаторка во ЦУП Бранка Минчева Коцевска во интервју на ТВ Слободен печат
Проектата коориднаторка во ЦУП Бранка Минчева Коцевска во интервју на ТВ Слободен печат по повод истражувањата за транспрентноста и отчетноста на институциите од јавниот сектор и оптимизацијата на јавната администрација.
