Истражувања

Примената на принципите на доброто управување и постигнувањето на високи професионални стандарди во работата на институциите од јавниот сектор е цел на секоја реформа на јавната администрација. Создавањето на ефикасни институции значи подобри практики во управувањето со институциите, вклучително и преземање на мерки за подобрување на одговорноста на институциите и спроведување на реформи со остварливи и прецизни резултати.

Институциите на Владата во Република Северна Македонија ја препознаваат реформата на јавната администрација како приоритет за градење ефикасни институции во служба на граѓаните, поради што реформата се наоѓа како висок приоритет во секоја владина гарнитура. Ваквиот став кон реформата е поттикнат и од истакнувањето на нејзината важност од страна на Европската комисија и СИГМА (заедничката иницијатива за ЕУ и ОЕЦД) во нивните оценки и препораки.

Во оваа област не беа направени големи поместувања во мандатот на претходната Влада, но истата подготви нови предлози на три клучни закони:

1. Закон за вработените во јавниот сектор
2. Закон за административните службеници
3. Закон за стручно усовршување и обука на административните службеници